Урачыстая цырымонія закрыцця абласнога свята «Слуцкія паясы» і ўзнагароджанне пераможцаў конкурсу «Беларуская лялька»

Яркім завяршальным акордам свята "Слуцкія паясы" стала ўзнагароджанне пераможцаў конкурсу "Беларуская лялька".

Як адзначыў старшыня Беларускага саюза майстроў народнай творчасці, старшыня журы конкурсу Яўген Сахута, у ім прынялі ўдзел больш за 100 народных умельцаў з Мінскай, а таксама Магілёўскай абластей, у тым ліку 44 дзіцяці. Выдатна, што фестываль "Слуцкія паясы" шырыцца, што ў ім удзельнічае маладое пакаленне. Гэта значыць, што народныя традыцыі, мастацкія рамёствы набываюць свой працяг.